खेलकुद क्षेत्र सकारात्मक दिशामा अगाडि बढेको छ : मन्त्री श्रीपाइली

| प्रकाशित मिति: शनिबार, माघ १५, २०७३


काठमाडौँ, १५ माघ । युवा तथा खेलकुदमन्त्री दलजित श्रीपाइलीले नेपालको खेलकुद क्षेत्र पछिल्लो समय सकारात्मक रुपमा अगाडि बढेको बताउनुभएको छ ।
रिपोर्टर्स क्लब नेपालले आज यहाँ आयोजना गरेको साक्षात्कारमा उहाँले सरकारले १५ वर्षे खेलकुद रणनीति योजना बनाउन लागेको जानकारी दिनुभयो ।
मन्त्री श्रीपाइलीलले “खेलकुद विकासका लागि खेलकुद विश्वविद्यालय, खेलकुद अस्पताल, खेलाडी बिमा र खेलाडी परिचयपत्र दिन लागेका छौँ” भन्दै एक करोडभन्दा बढी जनसङ्ख्या रहेको युवालाई विकास निर्माणमा कसरी लगाउन सकिन्छ भन्ने बारेमा सरकारले योजना बनाएर कार्य गरिरहेको बताउनुभयो ।

Loading...

सन् २०१९ मा हुन लागेको १३ औँ साफ प्रतियोगिताका लागि पूर्वाधार निर्माणलाई सरकारले उच्च प्राथमिकता दिएको चर्चा गर्दै उहाँले ओलम्पिक क्षेत्रमा देखिएको विवादलाई मिलाएर अगाडि बढ्न लागेको बताउनुभयो । मन्त्री श्रीपाइलीले युवा परिषद्मा सबैलाई समेटेर अगाडि बढ्ने प्रतिवद्धता समेत व्यक्त गर्नुभयो ।


Loading...